​“Rusiya “Taliban” qruplaşmasını silahlandırır” – ABŞ-dan İTTİHAM

Baxış sayı: 61

ABŞ-ın dövlət katibi Reks Tillerson növbəti dəfə Rusiyanı “Taliban” qruplaşmasını silahlandırmaqda və beynəlxalq hüquq normalarını pozmaqda ittiham edib. 
“RİA Novosti”nin verdiyi xəbərə görə, bu barədə ABŞ-ın dövlət katibi keçirdiyi mətbuat konfransında bildirib.
“Rusiya, həqiqətən, taliblərə silah-sursat tədarük edir, bu beynəlxalq hüquqa, BMT TŞ-nin normalarına ziddir. Biz, əlbəttə ki, buna qarşı çıxış edirik və Rusiyanı buna fikir verməyə çağırırıq”, - deyə Tillerson  qeyd edib. 
“Əgər kimsə silah tədarük etmək istəyirsə, bu yalnız Əfqanıstanın hökuməti ilə əlaqədə həyata keçirilə bilər ”, - deyə Tillerson qeyd edib.
Rusiya tərəfi bu ittihamları əsassız adlandırıb.