Yaxın günlərdə İran Prezidenti Həsən Ruhani Azərbaycana rəsmi səfərə gələcək.
Muxalifət.az xəbər verir ki, bu barədə İranın Bakıdakı səfiri Cavad Cahangirzadə jurnalistlərə açıqlamasında deyib.
Səfir konkret tarix açıqlamasa da, Trend-in əldə etdiyi məlumata görə, səfərin Rusiya, İran və Azərbaycan xarici işlər nazirlərinin 20 dekabrda Bakıda keçiriləcək görüşündən bir neçə gün sonra reallaşacağı gözlənilir. Onun Neftçala iqtisadi zonasında inşa edilən Azərbaycan-İran birgə maşın zavodunu ziyarət edəcəyi nəzərdə tutulub.
Avtomobil zavodu İranın "İran Khodro" və Azərbaycanın "Azeurocar" şirkətləri arasında bağlanan müqavilə əsasında tikilir. Zavodun açılışının gələn ilin əvvəlində olacağı bildirilir.