Bu at 800 minə satıldı

Bu, həmçinin Türkiyədə son 10 ildə at üçün ödənən ən yüksək məbləğdir.

Türkiyədə hərraca çıxarılan 2 yaşlı dayça 800 min lirəyə (264 000 manat) satılıb.

Oxu.Az xəbər verir ki, ANS PRESS-in məlumatına görə, Türkiyə Kənd Təsərrüfatı idarəsinin keçirdiyi hərracda 17 saf ərəb atının satışından 4,3 milyon lirə (1 milyon 485 min manat) gəlir əldə olunub.

Ən baha qiymətə satılan Uçankral adlı dayçanı isə Hediye Sekman Çetinkaya alıb. Bu, həmçinin Türkiyədə son 10 ildə at üçün ödənən ən yüksək məbləğdir. Bundan başqa Uçankralı alan Çetinkaya daha bir at üçün 500 min lirəsindən (173 000 manat) keçib.