Latviya paytaxtı Riqanın mərkəzində İkinci Dünya müharibəsi zamanı Almaniya tərəfində Sovet İttifaqına qarşı döyüşmüş latviyalı legionerlərin xatirəsinə həsr edilmiş yürüş keçirilib.
Muxalifet.az xəbər verir ki, paytaxtdakı İoann kilsəsindən Azadlıq heykəlinə doğru irəliləyən yürüş iştirakçıları əllərində kommunizmi və nasizmi lənətləyən şüarların yazıldığı plakatlar tutublar.
Latviya Daxili İşlər Nazirliyi yürüş zamanı hər hansı qanun pozuntusunun və ya toqquşmanın baş vermədiyini bildirib.