“Real” Ronaldo ilə bağlı qərarını verdi

Baxış sayı: 215

Kristiano Ronaldonu klubda saxlamaq niyyətində deyilik.
 
Oxu.az xəbər verir ki, bunu Madridin “Real” komandasının prezidenti Florentino Peres deyib.
Peres qeyd edib ki, komandanın maraqlarını həmişə hər bir oyunçunun ayrı-ayrılıqda maraqlarından üstün tutacaq. “Real” rəhbərliyi hesab edir ki, Ronaldo maaşının artırılması üçün klubu şantaj edir.
Xatırladaq ki, 32 yaşlı portuqaliyalının “Real”ı tərk etmək istəyi barədə məlumat iyunun 16-da yayılıb. Ronaldo Pereslə söhbət zamanı bildirib ki, bu addımı İspaniya prokurorluğunun onun ünvanına səsləndirdiyi ittihamlara görə atıb.
İyunun 13-də Ronaldoya qarşı vergidən yayınma (14,7 milyona avro məbləğində) maddəsi ilə iş qaldırılıb. İdmançı və onun vəkili bu ittihamla razılaşmırlar.