Aprelin 4-də Ankarada keçirilən Türkiyə, Rusiya və İran prezidentlərinin Suriya üzrə üçtərəfli görüşü zamanı Prezident Sarayında zirvə yeməyində maraqlı anlar yaşanıb.
Muxalifət.az “Milliyyət” nəşrinə istinadən xəbər verir ki, Rəcəb Tayyib Ərdoğan, Vladimir Putin və Həsən Ruhani yemək zamanı xüsusi söhbət edib.
Qəzetin xəbərinə görə, Prezident Sarayının bağça hissəsində manqal qoyulmuşdu. İran prezidenti nə bişirildiyi ilə maraqlanır. Ərdoğan cavab olaraq “Bişən cağ kababıdır, dönər kimi bişən bir yeməyimizdir” deyir. Arxası manqala tərəf olan Ruhani “nə bişdiyini görə bilmirəm, onsuz da, nəyin bişiriləcəyini məndən soruşmadılar” deyərək zarafat edir.
Söhbətə Putin qarışır və iranlı həmkarının narahatlığına son qoyur: “Ərdoğan hər zaman ən yaxşısını ikram edər, narahat olmayın”.