Birləşmiş Ərəb Əmirlikləriində xidmət edən general Abdullah əl Haşimi ölkəsi və İsrailin iki qardaş ölkə olduğunu deyib.
 
Birləşmiş Ərəb Əmirlikləriində xidmət edən general rütbəli pilot Abdullah əl Haşimi Müdafiə və Aviasiya agentliyi ilə həyata keçirdiyi müsahibədə ABŞ ilə ölkəsinin sadəcə müttəfiq olmadığını, iki ölkə arasında qarşılıqlı “qazan-qazan” vəziyyətinin olduğunu bildirib.
 
 “İSRAİL QARDAŞ, ABŞ İSƏ BÖYÜK QARDAŞDIR”
 
BƏƏ-nin hərbi qüdrətini artırması İsrail üçün hər hansı bir təhdid olub, olmadığı sualına cavab verən əl Haşimi, "BƏƏ və İsrail iki qardaş ölkədir. ABŞ isə iki ölkə arasındakı fərqi tənzimləyən böyük qardaşdır" deyə, cavab verib.
Fələstin probleminin masada həll edilməsinin lazım olduğunu vurğulayan general, BƏƏ-nin İsrail üçün bir təhdid meydana gətirmədiyini ifadə edib.
Müxalifət.az