Qubada maskalı basqına gedən dostlara 39 il cəza kəsildi

Baxış sayı:
670

Qubada maskalı basqına gedən dostlar hakim qarşısına çıxarılıb.

Bakı Ağır Cinayətlər Məhkəməsində quldurluqla ittiham edilən Hörmət Hətəmov, Zahir İsmayılov, Məhəmməd Tağıyev və Ülvi Əmirlinin cinayət işi üzrə məhkəmə iclası başlayıb.

Hökmə əsasən Hörmət Hətəmov 10 il, Zahir İsmayılov 9 il, Məhəmməd Tağıyev 10 il, Ülvi Əmirli isə 10 il müddətinə azadlıqdsn məhrum edilib.

Məlumata görə, soyuq silahlarla silahlanmış bir qrup maskalı şəxs Quba rayonunun Birinci Nügədi kənd sakini Hamlet İbrahimovun evinə basqın edib.

Həmin şəxslər Hamlet İbrahimovun əllərini və ağzını yapışqanlı lentlə bağlayaraq, ona müxtəlif bədən xəsarətləri yetirib, evdən külli miqdarda pul və mobil telefon oğurlayıblar.

Əməliyyat-axtarış tədbirləri nəticəsində quldurluq hadisəsini törətməkdə şübhəli bilinən Sumqayıt şəhər sakinləri, əvvəllər məhkum olunmuş Hörmət Hətəmov, Zahir İsmayılov, Ülvi Əmirov və Məhəmməd Tağıyev saxlanılıblar.

Həmin şəxslərdən hadisə zamanı istifadə edilmiş maskalar, əlcəklər və soyuq silahlar maddi sübut kimi polis əməkdaşları tərəfindən götürülüb.

Hadisə ilə əlaqədar Cinayət Məcəlləsinin 181-ci (quldurluq) maddəsi ilə cinayət işi başlanılıb.//Musavat