Prezident Donald Tramp Türkiyəyə qarşı hərbi hərəkətlərə hazırdır, amma Vaşinqton sülhü müharibədən üstün tutur.
Muxalifet.az publika.az-a istinadən xəbər verir ki, bunu ABŞ-ın dövlət katibi Mayk Pompeo bildirib.
“Əgər hərbi hərəkətlər lazım olarsa, siz bilməlisiniz ki, prezident Tramp belə hərəkətlərə təşəbbüs etməyə tamamilə hazırdır”, - Dövlət Departamentinin başçısı CNBC telekanalına müsahibəsində deyib.
Qeyd edək ki, Türkiyə oktyabrın 9-da Suriyanın şimalında "Sülh çeşməsi" antiterror əməliyyatına başlayıb. Oktyabrın 17-də isə YPG terrorçularının bölgədən çəkilməsini nəzərdə tutan Türkiyə-ABŞ razılaşması əldə edilib. Razılaşmaya əsasən, əməliyyat 120 saat müddətində dayandırılıb.