Polisdən oğruları tapmağı tələb etdi, özü tutuldu - BAKIDA

Baxış sayı: 190

Qohumunun evindən oğurluq edən şəxs polisə zəng edərək, oğrunu tapmalarını istəyib.
 
Daxili İşlər Nazirliyindən verilən məlumata görə, törətdiyi cinayəti gizlətmək üçün polisə yalan məlumat verən Bakı şəhər sakini Bayram Mövludov tutulub.
B.Mövludov Binəqədi RPİ 5-ci PB-yə zəng edib, rayonun S.Bəhlulzadə küçəsindəki evdən oğurluq edildiyini bildirib. Əlavə edib ki, evə girən 2 nəfər naməlum şəxs əvvəlcə onu döyüb, daha sonra isə 20.000 manat dəyərində qızıl əşyanı götürərək aradan çıxıblar.
Binəqədi RPİ 5-ci PB-nin əməkdaşları tərəfindən görülən tədbirlərlə qeyd edilən evin B.Mövludovun qohumuna məxsus olduğu və onun 6 ay ərzində qaldığı həmin evdən qızıl əşyalar oğurladığı müəyyən edilib. Məlum olub ki, B.Mövludov oğurladığı qızılları qızıl mağazasına 31.305 manata satıb. O, törətdiyi hadisəni gizlətmək üçün polisə yalan məlumat verib.