Türkiyə təhlükəsizlik qüvvələri Diyarbəkirdə PKK-ya qarşı əməliyyat keçirib. Muxalifet.az xəbər verir ki, əməliyyat nəticəsində terror təşkilatına məxsus 19 sığınacaq məhv edilib, xeyli silah-sursat, partlayıcı maddə ələ keçib. Məlumata görə, PKK türk hərbçilərinin burada əməliyyat keçirəcəyini bildiyi üçün əvvəlcədən partlayıcılarla tələ qurub. Lakin hərbçilərin sayıqlığı nəticəsində təşkilatın bu niyyəti baş tutmayıb.