Paşinyan Trampla görüş arzusunu reallaşdıra biləcək?

Baxış sayı:
163

Ermənistanın Baş Naziri Nikol Paşinyanın uzun müddətdir ABŞ Prezidenti Donald Trampla gerçəkləşməsini gözlədiyi görüşü baş tutacaq.

“Qafqazinfo”nun “sputnik Ermənistan”a istinadən verdiyi xəbərə görə, bunu ölkənin Baş Naziri Zöhrab Mnatsakanyan Yerevanda keçirdiyi mətbuat konfransında açıqlayıb.

O, görüşün dəqiq tarixini açıqlamasa da, Paşinyanın sentyabrın sonlarında ABŞ-a rəsmi səfər edərək orada BMT Baş Assambleyasının 74-cü sessiyasında çıxış etməyi planlaşdırdığını bildirib.

 

Mnatsakanyanın sözlərinə görə, Ermənistanın Baş naziri ilə ABŞ prezidenti arasında görüşün təşkili Xarici İşlər Nazirliyinin gündəmində olan məsələlərdən biridir və şöbə hazırda bunun üzərində işləyir.

Bununla yanaşı, nazir Ermənistan-Amerika dialoqunun aktiv olduğunu və hakimiyyət rəhbərinin amerikalı həmkarına hər hansı məlumatı çatdırmaq prosesində heç bir çətinlik yaşamadığını sözlərinə əlavə edib: “Aramızda ünsiyyət və müzakirə çətinliyi yoxdur”.

Qeyd edək ki, Ermənistanın yeni hökuməti ABŞ rəhbərliyi ilə hələ də görüş keçirə bilməyib. Belə ki, nə N. Paşinyan-D. Tramp, nə də Z. Mnatsakanyan-Mayk Pompeo görüşü baş tutmayıb.