Pakistanın paytaxtı İslamabadda ölkənin Maliyyə Nazirliyi ilə Beynəlxalq Valyuta Fondunun nümayəndələri arasında texniki danışıqlar aparılıb.
Muxalifet.az xəbər verir ki, bu barədə “Jang” agentliyi məlumat yayıb.
Danışıqlarda əsas məsələ Pakistan iqtisadiyyatının xilası üçün 6 milyard dollarlıq kredit paketinin ayrılması olub. Pakistanın bu məbləği əldə etməsi üçün BVF İslamabaddan bir sıra addımlar atmasını tələb edib. Bunlar sırasında bəzi vergilərin artırılması da yer alıb.
Qeyd edək ki, Pakistan BVF-dən kredit almaqla ölkəni ödəniş balansının defisiti böhranından xilas edəcəyinə ümid edir.