Bulvar ərazisində ilan olması ilə bağlı xəbər saytlarında yayılan video sakinlərdə qorxuya səbəb olub. Hadisə ilə bağlı "Yeni Sabah"a açıqlama verən Dənizkənarı Bulvar İdarəsinin (DBİ) Mətbuat Xidmətinin rəhbəri Günay Yelmarqızı həmin ərazidə ilan olmadığını deyib: “Çünki Dənizkənarı Bulvar İdarəsinin Sanitariya-epidemioloji stansiya ilə müqaviləsi var. Mütəmadi olaraq Bulvar ərazisində ziyanverici həşəratlara, o cümlədən ilanlara qarşı dərmanlama işləri aparılır. Axırıncı dəfə dərmanlama prosesi ötən ay həyata keçirilib”. Onun sözlərinə görə idarəyə bununla bağlı şikayət daxil olmayıb: “Bizə Bulvar ərazisində ilan olması ilə bağlı nə sakinlər, nə də ərazidəki işçilər tərəfindən bu günə qədər hər hansı bir məlumat daxil olub. O videodakı adam ilanı haradan tapıbsa, bu barədə bizdə məlumat yoxdur”.