“Ölkə başçısının tapşırığı “Azərpambıq” MMC-də qulaqaradına vurulur” – ŞOK İTTİHAMLAR

Baxış sayı:
730

Ağcabədi rayonu, Qaradolaq kənd sakini, pambıqçı-fermer Sevindik Quliyev tərəfindən Muxalifet.az-ın redaksiyasına növbəti şikayət məktubu daxil olub. Müəllif “Azərpambıq” MMC rəhbərliyinin fəaliyyətindən narazıdır: “Hörmətli redaksiya! Bu barədə əvvəlllər də sizə müraciət etmişdik. Çox sağ olun ki, bizim şikayətimizi saytınızda dərc etdiniz. Ondan sonra “Azərpambıq” MMC-də əməlli-başlı təşviş yaranmışdı. Hətta idarənin pensiyaçı auditləri - onlara əvvəllər MKT şirkətində maliyyə fırıldaqları etdiyinə görə işdən qovulmuş, hazırda pensiya yaşı çoxdan tamam olmuş Asif Sarıyev rəhbərlik edir - bir müddət yoxa çıxdılar. Sonradan Asif və onun qocalardan ibarət komandası yenidən peyda olub. Çox çətinliklə toplayıb təhvil verdiyimiz pambığın pulunu almaqda problem yaradırlar. Nə vaxt zavoda gediriksə, Asif Sarıyev ətrafına topladığı pensiyaçılarla və ya əvvəlki iş yerindən qovulmuş işçiləri ilə birlikdə yoxlama aparır. Son vaxtlar isə öz həmyerlisi olan Rahib adlı pensiyaçı ilə düşüb bu zavodların üstünə. Cənab Prezident İlham Əliyev dəfələrlə deyib və indi də deyir ki, əsassız yoxlamalara son qoyulmalıdır, imkan verin, cammat sahibkarlıqla məşğul olsun. Hətta ölkə başçısı deyib ki, kim rüşvətxorluq üstündə sahibkarları incitsə, onlar ciddi cəzalandırılaçaqlar. Ancaq ölkə başçısının bu tapşırığı “Azərpambıq” MMC-də qulaqaradına vurulur. Son vaxtlar ölkədə aparılan islahatların əsas məqəsədi gənc kadrlara etimad göstərmək, onları irəli çəkməkdir. Ancaq bizim “Azərpambıq” MMC-də bunun əksinədir. Daha doğrusu, açıq şəkildə Prezidentin siyasətinə zidd gedilir, cavanları işdən azad edib, yerinə pensiyaya çıxanları gətirirlər. Bunun da başında audit Asif Sarıyev və hüquq şöbəsinin Eldəniz adlı müdiri dayanıb. Bu yaxınlarda Bərdə pambıq emalı zavodunun müdirini Asif Sarıyevin “yoxlaması” əsasında işdən azad edib, onun yerinə Eldənizin pambıqçılıqla heç bir əlaqəsi olmayan qardaşını təyin etdilər. Belə qanunsuz yoxlamalar İmişli pambıqtəmizləmə zavodunda da tez-tez aparıldığından, nəhayət fermerlər ayağa qaxdı, ciddi münaqişə yarandı. Fermelər az qalmışdı ki, magistral yolu bağlasınlar. Narazılıqlar hələ də davam edir. Asif, Eldəniz və Rahib artıq Ağcabədi pambıqçılarını da bu həddə çatdırıblar. Nə vaxta qədər Şahin Məmmədov bizim rayonun başçısı idi, bu rüşvətxorları, maliyyə fırıldaqlarına görə əvəlki iş yerindən qovulmuş Asif Sarıyevi və onun qoca auditlərini rayona buraxmırdı. Bununla da tam sakitlik yaranmışdı və biz də zavodla rahat işləyə bilirdik. Ancaq Şahin müəllimin yeri Masallıya dəyişdirilən gündən Asif Sarıyevlə yerlisi Rahib yenə də yersiz yoxlamalara başlayıblar. Bu bardə “Azərpambıq” MMC-nin rəhbərliyinə dəfələrlə müraciət etsək də, heç bir tədbir görmür. Bu adam ağzını söyüşlə açıb, söyüşlə bağlayır. Elə trbiyəsiz sözlər işlədir, elə söyüşlər söyür ki, tüfeyli küçə uşaqları da belə söyüşlər söymür. Bəhruz müəllim deyir ki, əhəmiyyət verməyin, Asif şizofreniya xəstəsidir. Ancaq hiss edirik ki, MMC-nin rəhbəri Bəhruz müəllim Asif Sarıyevdən gözükölgəlidir. Belə olmasaydı, ona tapşırardı ki, əsassız yoxlamalara son qoysun, söyüşləri gedib evində söysün. Axı, ölkə Prezidenti də dəfələrlə deyib ki, sahibkarlıq fəaliyyətinə mane olanlar cididi cəzalandırılacaqlar. Hörmətli redaksiya! Əvəllər sizə müraciət etdikdən sonra Asif Sarıyev bizi tapdırdı. Ərizəmizi geri götürmək, məqaləni təkzib etdirməkdən ötrü min oyundan çıxdı. Ancaq buna nail ola bilmədi. Hətta bizə hədə-qorxu da göndərdi. Görünür, onun bu qoçuluğundan Bəhruz müəllim də ehtiyat edir. Elə olmasaydı, bu yoxlamaların qarşısını alardı. Pansiyaçı audit həm də hüquq şöbəsinin müdiri Eldəniz müəllimə arxalanır. Çünki Eldəniz müəllimin qardaşının Bərdə pambıq emalı zavoduna direktor təyin olunması üçün Asifin “yoxlamalarının” köməyi dəyib. Ona görə də əl əli yuyur, əl də üzü. Bu il pambıqçılıqdan yaxşı pul qazanmışıq. Anacq belə getsə, gələn il pambıq əkmək fikrimiz yoxdur. Çünki “Azərpambıq” MMC-yə toplaşmış pensiyaçılar və əvvəlki iş yerlərindən qovulmuş rüşvətxolar bizi təngə gətirib. Onalar artıq Prezidentin apardığı islahatlara,yeniləşməyə də əhəmiyyət vermirlər. Görəsən, “Azərpambıq” MMC- də bu rüsvayçılıq nə vaxta qədər davam edəcək? Prezidentin tapşırıqlarına qarşı bu hörmətsizlik çoxmu davam edəcək? Bunun sonu olacaqmı?”. Muxalifet.az Redaksitadan: Qarşi tərəfin mövqeyini dərc etməyə hazırıq.