Sakit okeanın cənubunda yerləşən Vanuatu adasında şiddətli zəlzələ qeydə alınıb. İsangel şəhərinə 59 km məsafədə 6,4 bal gücündə yeraltı təkanlar olub. ABŞ Geoloji Araşdırmalar Mərkəzinin xəbərinə görə, zəlzələnin episentri 226 km dərinlikdə yerləşib. Tələfat və dağıntı ilə bağlı məlumat yoxdur. Qeyd edək ki, Vanuatu dünyada ən çox zəlzələ və vulkanik partlayışların meydana gəldiyi "Sakit Okean Alov Çevrəsi" seysmik xətti üzərində yerləşir.//Publika