“Neftçi”nin əsas komandasına fiziki hazırlıq üzrə məşqçi təyinatı olub. Muxalifet.az paytaxt klubunun rəsmi saytına istinadən xəbər verir ki, bu vəzifəni ukraynalı mütəxəssis Dmitro Qolovko yerinə yetirəcək. 37 yaşlı mütəxəssis ilə mövsümün sonunadək müqavilə bağlanıb. Qeyd edək ki, D.Qolovko bunadək Ukraynanın “Dinamo” (Kiyev), “Krivbass”, “Karpatı”, “Volın”, “Çernomorets”, Rusiyanın “Volqa” klublarında və 2009-cu ildə gənclər arasında Avropa çempionu olmuş Ukraynanın U-19 milli komandasında çalışıb.