Moskva məhkəməsi Kremlin əsas tənqidçilərindən biri Aleksey Navalnının qətlə yetirilmiş müxalifət lideri Boris Nemtsovun dəfnində iştirak etməsi ilə bağlı müraciətini rədd edib.

Navalnı hazırda kütləvi tədbirlər zamanı qayda-qanunu pozma ittihamı ilə administrativ cəza çəkir.

O, martın 3-də dəfn mərasimində iştirak etmək üçün 24 saatlıq azadlığa braxılmasını xahiş etmişdi.

Amma məhkəmə bildirib ki, Navalnı möhkəm xəstələnəcəyi və yaxın qohumunun öləcəyi halda müvəqqətiazad oluna bilər.

Navalnı fevralın 19-da martın 1-nə planlaşdırılan etiraz mitinqi ilə bağlı vərəqələr yaydığına görə, 15 günlük həbs cəzasına məhkum edilib.

Həmin mitinq isə fevralın 27-də Moskvada qətlə yetirilən müxalifət lideri Boris Nemtsovun xatirə mitinqinə çevrlidi.