Muxalifet.az inosmi.ru-ya istinadla məlumat verir ki, daha əvvəl Rusiyanın təhdidləri haqda danışan baş katib Yens Stoltenberqin rəhbərlik etdiyi NATO rəhbərliyi gələn həftə Ukraynaya səfər edəcək. Səfərin əsas məqsədi Qara dənizdəki vəziyyətə xüsusi vurğuyla Ukraynanın suverenliyi və ərazi bütövlüyünə çox güclü dəstək ismarıcı göndərmək olacaq. NATO nümayəndə heyəti Ukrayna səfərini Alyansın dörd gəmisinin girəcəyi limanlardan, Odessadan başlayacaq. "Gələn həftə Baş katib Yens Stoltenberqin başçılığı ilə Şimali Atlantika Şurasının rəhbərliyi Ukraynaya səfər edəcək ... Səfərin əsas məqsədi ölkənin Qara dənizdəki vəziyyətini xüsusən vurğulamaqla Ukraynanın suverenliyinə, ərazi bütövlüyünə çox güclü dəstək mesajı göndərmək və xatırlatmaqdır. biz bütün islahatları dəstəkləyirik "- NATO-nun Ukraynadakı nümayəndəliyinin direktoru Aleksandr Vinnikov bildirib. Vinnikovun sözlərinə görə, görüşlər yalnız Kiyevdə keçirilməyəcək , NATO rəhbərlərinin Odessada Ukrayna Hərbi Dəniz Qüvvələrinin nümayəndələri, xüsusən də akademiyanın tələbələri ilə görüşəcəyi bildirilir. Onun fikrincə, NATO rəhbərliyi həm də Ukraynaya yeni seçilmiş hökumətlə birbaşa əlaqə yaratmaq məqsədi ilə gəlir. "Biz bu əməkdaşlığı Prezident, yeni parlament və hökumət səviyyəsində dərinləşdirməyə çalışırıq" Vinnikov dedi. Bundan əlavə, Vinnikov görüş zamanı NATO ilə Ukraynada struktur islahatları yolunu dəstəkləyəcək kompleks tədbirlər paketinin həyata keçirilmə səviyyəsini, həmçinin güclü müdafiə,təhlükəsizlik sektoru yaratmağın müzakirə olunacağını söylədi. “Belə bir tədbirlər paketinin tətbiqi bu görüşdə əsas mövzu olacaqdır. Ukraynadakı təhlükəsizlik vəziyyəti ilə bağlı situasiya, yalnız münaqişənin davam etdiyi Ukraynanın şərqində deyil, eyni zamanda, NATO-nun qanuni olaraq tanımadığı və tanımayacağı Krımın qanunsuz işğalı, həmçinin ölkənin öz ərazi sularında suverenliyini təmin etməkdən ötrü hər kəs üçün naviqasiya hüquqlarının təmin edilməsi müzakirə olunacaq“,-Ukrainforma Vinnikov məlumat verib. Xatırladaq ki, daha əvvəl NATO-nun Ukraynadakı nümayəndəliyinin əməkdaşlarının Minsk razılaşmalarının həyata keçirilməsinə yönəlmiş səyləri ,həm də Donbasdakı hərbi münaqişə zonasından qoşunların çıxarılmasını və "Ştaynmayer formulunun” razılaşmasını qəti şəkildə dəstəklədiyi xəbər verilmişdi. “NATO bütün tərəflərin Minsk razılaşmalarına əməl etməsini tam dəstəkləyir. Həmçinin gördük ki, keçən həftə “Ştaynmayer formulunun” Üçtərəfli Əlaqə Qrupunda " müzakirəsi baş tutub. Bu Minsk razılaşmalarının tam şəkildə yerinə yetirilməsinə səbəb ola bilər. Biz gərginliyin azaldılmasına və razılaşmanın tam icrasına yönəldilmiş bütün səyləri dəstəkləyirik , çünki bu siasi həllə gedən yeganə yoldur” -NATO-nun Ukraynadakı nümayəndəliyinin rəhbəri Alexander Vinnikov bəyan edib.