73 saylı Lənkəran şəhər seçki dairəsindən namizədliyini irəli sürən Azərbaycan Ordusunun keçmiş korpus komandiri, general Qabil Məmmədovun deputatlığa namizədliyi qeydə alınmayıb.

Muxalifet.az bildirir ki, bu barədə sosial şəbəkədəki hesabında o özü açıqlama yayıb.

Q.Məmmədov bildirib ki, 73 saylı Lənkəran şəhər seçki dairəsindən öz namizədliyini irəli sürsə də, qeydə alınmayıb: “Bildirmək istəyirəm ki, göstərdiyim səylərə baxmayaraq, yanvarın 9-da Mərkəzi Seçki Komissiyasında mövcud olan sistem mənim “İP adresimi” tanımadı. Bu səbəbdən sizlərin gözləntilərini doğrulda bilmədim. Allah vətənimiz Azərbaycanı qorusun!”.