Məşhur iş adamı Azərbaycandan 100 milyonu necə çıxarıb…? - ŞOK MƏKTUB

 Pullar Cahangir Hacıyev vasitəsilə Beynəlxalq Bank üzərindən Kanada və Türkiyəyə köçürülüb

“Rasim Salmanov 11 milyon dollara Türkiyə “Zorlu” ticarət mərkəzində ev, Kanadada torpaq sahələri, “Ferrari” markalı maşın və digər əmlaklar alıb”
 
Beynəlxalq Bankın sabiq rəhbəri, hazırda həbsdə olan Cahangir Hacıyevin daha bir maliyyə xəyanəti üzə çıxıb. Məlum olub ki, məhbəsdəki bankir manatın birinci devalvasiyasından 2 gün əvvəl Beynəlxalq Bank üzərindən Kanada və Türkiyəyə 100 milyon dollardan artıq vəsaitin çıxarılmasına şərait yaradıb.
Maliyyə xəyanətinin şok təfsilatı haqda redaksiyamıza ilginc məlumatlar daxil olub. Vergidən yayındırılmaqla qazanılan böyük məbləğdə pul isə “Maşın bazarı”nın sahibi, “Bizim market” mağazalar şəbəkəsinin ortaqlarından olan Rasim Salmanova məxsus imiş. Gizli pul ötürmə əməliyyatının ilginc detallarını prezident İlham Əliyevə, Prezident Administrasiyasının rəhbəri Ramiz Mehdiyevə və digər səlahiyyət sahiblərinə ünvanladığı məktubda R.Salmanovun qaynanası Xanımbacı Qasım qızı İsmayılova qeyd edib.
Redaksiyamıza daxil olan məktubun surətində digər qanunsuzluqlar haqda da müfəssəl məlumat verilir.
 
“Adımdan istifadə edib nəvəmi tutdurdu”
 
Xanımbacı İsmayılovanın yazdıqlarından aydın olur ki, kürəkəni Rasim Salmanov onun adından 17 dekabr 2015-ci il Bakı Şəhər Baş Polis İdarəsinə şikayət ərizəsi verib. Ərizə əsasında, X.İsmayılovanın nəvəsi Sahib Arif oğlu Quliyev barəsində dələduzluq maddəsi ilə cinayət işi başlanıb və sonuncu 1 fevral 2016-cı ildə tutulub. Xətai Rayon Məhkəməsinin qərarı ilə barəsində 3 ay müddətində həbs-qətimkan tədbiri seçilib. Hazırda 3 saylı İstintaq Təcridxanasında saxlanılır: “Rasim Salmanova verdiyim etibarnaməni ləğv etdirdim ki, adımdan hər hansı bir müraciət edə bilməsin. Həmin etibarnamənin ləğv edilməsi haqda sənədi də istintaqa təqdim etdim”.
 
Beynəlxalq Bankdakı araşdırmalar böyük cinayətləri üzə çıxarıb!!!
 
Xanımbacı İsmayılova “Bizim market”lər şəbəkəsinin rəsmi sahibidir. Yazır ki, biznesini bilavasitə kürəkəni Rasim Salmanov idarə edir. Kürəkəni ailəyə çatacaq milyonlarla pulu müxtəlif vasitələrlə Türkiyə Respublikasına, oradan da Kanadaya ötürüb.
Bu faktların üstü Beynəlxalq Bankdakı araşdırmalar zamanı açılıb. Bundan sonra Rasim Salmanov ailəni neytrallaşdırmaq qərarına gəlib: “Əvvəlcə məsələni zorakılıq və öz üsulları ilə həll etməyə çalışdı. Mənə və ailəmə hədə-qorxu gəldi. Bir gün də xəbər çıxdı ki, Rasim Salmanov bizim ailəni izlədirmiş”.
 
Nardaran hadisələri ailənin izləndiyini ortaya çıxardı!
 
89Məktub müəllifi yazır ki, Nardaranda məlum hadisələr baş verəndən sonra DİN-in Baş Mütəşəkkil Cinayətkarlıqla Mübarizə İdarəsi (BMCMİ) gücləndirilmiş iş rejiminə keçib. Həmin günlərdə BMCMİ əməkdaşları idarə ətrafında şübhəli şəxsləri müşahidə ediblər. Bu isə R.Salmanovun hüquq-mühafizə orqanlarının səlahiyyətlərini mənimsədiyini ortaya çıxarıb: “Nəvəm Sahib Quliyevin və ailəsinin yaşadığı evi BMCMİ-nin yanındadır. Rasim Salmanov nəvəmin evini güddürüb. Bu hadisə Nardaran hadisələri dövründə olduğuna görə idarənin ətrafında güclü nəzarət olub. Rasim Salmanovun adamları saatlarla Sahib Quliyevin mənzilini güdən zaman idarə əməkdaşları bu haldan şübhələnib. Həmin adamları tutaraq idarəyə aparıblar. Tutulanlar etiraf ediblər ki, Rasim Salmanov onlara Quliyevlər ailəsini güdmək və lazım olsa, tədbir görmək sifarişi verib. Adamlar onlara bunun müqabilində pul ödəndiyini də deyib. İdarədə araşdırma gedən zaman Rasim Salmanov Sahib Quliyevin evinə gəlib yalvarıb, səhv etdiyini boynuna alıb. Quliyevlər ailəsi bunu nəzərə alaraq BMCMİ-də ondan şikayətçi olmadılar və iş bağlandı”.
Xanımbacı İsmayılova yazır ki, R.Salmanov bundan sonra Sahib Quliyevin şərlənərək həbs olunmasına nail olub: “Guya 1989-cu il təvəllüdlü Sahib Quliyev dələduzluq yolu ilə onun milyonlarla pulunu mənimsəyib”.
 
Akif Çovdarovun üsullarından istifadə etməklə…
 
Xanımbacı İsmayılova bu halın MTN üsulundan, Akif Çovdarov üsulundan fərqlənmədiyini yazır: “Rasim Salmanovun havadarları sanki insanları faşist Almaniyasındakı kimi neytrallaşdırmaq, öz haqlarını müdafiə etməkdən çəkindirmək istəyirlər. Rasim Salmanovun ailə üzvləri, həyat yoldaşı dəbdəbəli həyat tərzi sürürlər.
İlin 9 ayını xarici ölkələrdə Azərbaycanın dövlət büdcəsindən yayındırdıqları milyonlar hesabına lüks hotellərdə istirahət edirlər. Dövlət orqanları Rasim Salmanov və onun ailəsinə məxsus mənzillərdə axtarış aparsalar, dövlət büdcəmiz əsaslı bir hissəsi dolar”.
 
100 milyonlarla dolların hesabını Rasim Salmanovdan soran yoxdur
 
X.İsmayılova yazır ki, ölkədən qanunsuz olaraq çıxarılan 100 milyonlarla dolların hesabını R.Salmanovdan soran yoxdur: “Rasim Salmanov manatının birinci devalvasiyasından iki gün əvvəl, 19.02.2015-ci il tarixdə və ondan sonrakı tarixlərdə külli miqdarda maliyyə vəsaitlərini Azərbaycandan çıxarmağa nail olub. Rasim Salmanov bütün bu maliyyə fırıldaqlarını Beynəlxalq Bankın rəhbəri, hazırda həbsdə olan Cahangir Hacıyevin köməkliyi ilə edib. Azərbaycanda qazanılan və ölkədən çıxarılan pullara Türkiyə və Kanadada müxtəlif əmlaklar alıb. Rasim Salmanov 11 milyon dollara İstanbulda, ”Zorlu” Ticarət Mərkəzində ev, Kanadanın Vankuver şəhərində dəyəri 100 milyon dollarla ölçülən evlər, çayın qırağında torpaq sahələri,
“Ferrari” markalı maşın və sair əmlaklar alıb. Müxtəlif biznes sahələrinə investisiya qoyub. Qeyd etməliyəm ki, “Bizim marketlər” şəbəkəsi rəsmi olaraq mənim adıma olub.
Rasim Salmanov mağazalardan gələn gəlirləri vergidən və dövlət büdcəsindən yayındırmaq, külli-miqdarda pulların izini rahatlıqla itirmək üçün əmlaklarını mənim və digər qohumlarının adına keçirib. Hətta “Bizim Marketlər” şəbəkəsinin bank hesabı nəvəm Sahib Quliyevin adına olub. İl ərzində 100 milyon manat pul həmin hesaba oturub. Rasim Salmanov bu yolla dövlət nəzarətindən kənarda qalmağa çalışıb və nəvəmdən özünü müdafiə məqsədi ilə istifadə edib. Sonra onu həbs etdirib”.
 
“DİN rəhbərliyi işi öz nəzarətlərinə götürsün”
 
X.İsmayılova yazır ki, Rasim Salmanov bu məsələyə qədər qardaşı Rahib Salmanovu da məhkəmələrə çəkib, hüquq-mühafizə orqanlarına barəsində iddialar verib: “Qardaşına şər-böhtan ataraq külli-miqdarda əmlakları ələ keçirmək istəyir. İstəyirik ki, bu məsələləri daxili işlər naziri Ramil Usubov və Bakı Şəhər Baş Polis İdarəsinin rəisi Mirqafar Seyidov öz nəzarətlərinə götürsünlər. Çünki Rasim Salmanovun ailəmizə qarşı etdiyi qanunsuz hərəkətlər bir daha sübut edir ki, bəzi hüquq-mühafizə orqanları əməkdaşları hələ də Eldar Mahmudovun metodları və Akif Çovdarovun ənənələrini davam etdirirlər”.
 
İş adamı qayınanasını kor etmək istəyir?
 
Xanımbacı İsmayılova yazır ki, gözündən əməliyyat olunmalıdır. Amma R.Salmanov öz havadarlarının köməyi ilə onun ölkədən çıxışına qadağa qoydura bilib: “Müalicə üçün Türkiyəyə getməli olduğum halda Rasim Salmanovun sifarişi ilə müstəntiqi Vüqar İsmayılov barəmdə hərəkət məhdudiyyəti qoyub. Rasim Salmanov öz milyonlarından istifadə edib gözümün kor olmasına da nail olmağa çalışır”.(musavat.com)
 
Vergi “Bizim market”lər şəbəkəsindən 20 milyon tələb edib
 
Qeyd edək ki, “Bizim market”lər şəbəkəsinin vergidən böyük miqdarda pullar yayındırmasına dair bundan əvvəl də məlumatlar yayılıb. Hətta ötən il “AzPolitika.info” ya verilən məlumada bildirilirdi ki, birinxi devalvasiyadan sonra “Bizim market”lər şəbəkəsinə aid 3 mağazasının bağlanmasının səbəbi də gözlənilməz vergi hücumu ilə qarşılaşmaları, büdcədən böyük miqdarda pullar gizlətməsinin aşkarlanmasıl olub.
Belə ki, neftin qiymətinin düşməsi ilə bağlı büdcədə yaranması qaçılmaz olan kəsiri doldurmaq üçün xüsusi səlahiyyətlər verilən Vergilər Nazirliyinin əməkdaşları bir müddət əvvəl “Bizim market”lər şəbəkəsinin də qapısını döyüb. Ancaq bu dəfə şəbəkənin sahibi olan məşhur iş admı Rasim Salmanovun vergi kimi dövlətə ödəməyə ayırdığı vəsaiti alıb çıxmayıblar. Oturub yoxlayıblar, ciddi araşdırma aparıblar. Yoxlamalar nəticəsində şəbəkənin uzun illər ərzində külli miqdarda vergidən yayındığı aşkarlanıb.
Şəbəkənin mağazalarının sayını, onların ehtimal olunan illik dövriyyəsini (əsl dövriyyə adətən gizlədilir-müəl.) və ötən illər ərzində vergidən gizlətdiklərini araşdırıb, büdcəyə ödəməli olduğu məbləği söyələyiblər – 20 MİLYON MANAT!
Məbləğ kifayət qədər böyük olsa da, şəbəkənin yüksək rütbəli himayədarının dəstəyi ilə illər uzunu vergidən yayındırdığı məbləğə adekvat olduğu iddia edilirdi.
Ölkədə vəziyyət mürəkkəbləşdikddənsonra xüsusi səlahiyyətlər verilən Vergilər Nazirliyi heç bir xahişi nəzərə almadığından və heç kimə güzəşt etmədiyindən şəbəkənin himayədarı da (onun kimliyi ilə bağlı müəyyən məlumatlar var, lakin bu məlumatları dəqiqləşdirmək çətindir-red.) bu dəfə hansısa şəkildə məsələyə müdaxilə edə bilməyib.
 
Rasim Salmanov tələb olunan vergini ödəməmək üşün hansı yola əl atıb?
 
Ancaq “Bizim Market”lər şəbəkəsinin sahibi olan Rasim Salmanovun tələb olunan vergini ödəməmək üşün başqa yola əl atdığı bildirilirdi. Belə ki, şəbəkəyə daxil olan mağazaların sayını, dövriyyənin miqyasını azaltmağa və beləliklə, verginin tələb etdiyi məbləğin böyük oluğunu göstərməyə çalışıb. Elə bu məqsədlə də şəbəyə daxil olan mağazaların bəziələrinin gəlirsiz olduğunu iddia edərək müvəqqəti bağlamışdı.
Eyni zamanda bu yoxlamadan sonra Salmanov qardaşları arasında qazanılmış pulların haqq-hesabınının düzgün aparılmasına dair ciddi mübahisənin tyarandığına dair məlumatlar yayılmışdı. Hətta qardaşlarə biznesini ayırdığı, mağazaları aralarında bölüşdürüdüyü də verilən məlumatlar sırasında idi.
Düzdür qardaşların şəbəkəyə daxil olan mağazaların sayını, dövriyyənin miqyasını azaltmaq və beləliklə, verginin tələb etdiyi məbləğin böyük oluğunu göstərmək üçün qəsdən ayrıldığına dair məlumatlar yaydığı bildirilirdi.
Ancaq qaynanasının məktubundan görünür ki, Rasim Salmanov necə deyərlər “bir güllə ilə 2 dovşan vurmaq” istəyib. Həm qardaşına şər-böhtan ataraq külli-miqdarda əmlakları ələ keçirmək istəyib, həm də milyonları qarrdaşının “yediyini” deyərək dövlətin vergisini verməmək.
Rasim Salmanovun bu yollarla Fazil Məmmədovu aldadıb-aldatmadığını söyləyəı bilmərik. Ancaq onun bu məqsədlə digər biznes strukturlarında da “iflas” görüntüsü yaratmağa çalışdığına dair məlumatlar yayılıb.
 
Rasim Salmanov “Bakı Avtonəqliyyat-2″ ASC-ni niyə gözlənilmədən bölmək istəyib?
 
Belə ki, Rasim Salmanov həm də Babək prospektində yerləşən və “maşın bazarı” kimi tanınan “Bakı Avtonəqliyyat-2″ ASC-nin əsas səhmdarı kimi tanınır. Hər halda ASC-nin səhmlərinin 98.7 faizi onun adınadır.
Maraqlıdır ki, Rasim Salmanov ötən il mayın 7-də gözlənilmədən “Bakı Avtonəqliyyat-2″ ASC-nin səhmdarlarının ümumi iclasını cağıraraq, 2014-cü ilin maliyyə-təsərrüfat fəaliyyəti barədə hesabatını təqdim edib, ardınca da müəssisənin fəaliyyətini dayandıracağını bəyan edib. Bildirib, ki, “Bakı “Avtonəqliyyat-2″ ASC-nin (maşın bazarının yerləşdiyi ) 4.5 ha torpaq sahəsi dövlət tərəfindən hərracda başqa bir şəxsə satılıb: “Torpaq başqa bir şəxsindir, nə mən sahibiyəm, nə də siz. “Bakı Avtonəqliyyat-2″nin 4.5 ha torpağı başqa bir şəxsə məxsusdur. Amma siz də, mən də burdakı əmlakın sahibiyik. Mən 98.7 faizin sahibiyəm, siz də 1.3 faizin. Bu söz-söhbətləri qurtarmaq üçün belə qərara gəldik ki, sizə ayrıca bir yolu olan, Babək prospektindən gəlib çıxa biləcəyiniz bir əmlak verək… Biz Əmlak Komitəsinə müraciət edəcəyik. Onlar gəlib ayırıb sizə verəcəklər. Sonra “Bakı Avtonəqliyyat-2″ fəaliyyətini dayandıracaq, iclaslarımız da olmayacaq… Onda siz biləcəksiniz ki, əmlakınız nədir və nəyin yiyəsisiz. İndi oturmusuz qızılın üstündə, deyirsiz ki, buranın hamısı mənimdir. Elə deyil.”
Rasim Salmanov 2001-ci ildən özəlləşən ASC-ni niyə birdən-birə bölmək və ardınca da fəaliyyətini dayandırmaq qərarı aldığını açıqlamasa da, bunun da həmin vaxt baş vüeən vergi hücumu ilə bağlı olduğu istisa edilmirdi.
Hətta verginin təkcə “Bizim Market”lər şəbəkəsinə görə deyil, ümumi biznes obyektlərindən əldə etdiyi gəliri hesablayaraq, Salmanovdan büdcəyə 20 milyon ödəməyi tələb etdiyi qeyd olunurdu.
 
“Maşın bazarı”ndan milyonlar qazanıb, rəsmiləşdirməyib
 
Yeri gəlmişkən qeyd edək ki, “Bakı Avtonəqliyyat-2″ ASC-nin 2014-cü il maliyyə-təsərrüfat fəaliyyəti barədə hesabatı və səhmdarlarının fikirləri ilə tanış olduqda, verginin insafsızlıq etdiyini demək mümkün deyil.
Belə ki, mayın 7-dəki iclasda Salmanovun mühasibi tərəfindən minoritarlara təqdim olunan sənəddə ötən il maşın bazarının gəlirinin 21 920 manat, xərcinin isə 38992 manat olduğu, təsərrüfatın ili 17072 manat zərərlə başa vurduğu göstərilib. Əvvəlki illərdə də oxşar hesabatlar təqdim olunub. Səhmdarların dediklərinə görə, 2001-ci ildən özəlləşən müəssisədən 14 il ərzində 1 qəpik də divident götürməyiblər.
Maşın bazarının ərazisindəki mağazaların neçəyə icarəyə verildiyini, burdan yığılan gündəlik və aylıq haqqları nəzərə aldıqda, büdcədən və səhmdarlardan milyonların gizlədildiyi ortaya çıxır. Məsələn , “Bizim Yol” qəzetinin ASC-nin ümumi iclasında iştiralk edən əməkdaşının yazdığına görə, səhmdarlardan Vidadi Məmmədov bildirib ki, dükan sahiblərindən 30-40 kv.m. yer üçün ayda 3 min manat icarə haqqı alınır: “Burada il ərzində milyonlarla pul qazanılır və mənimsənilir. Dövlətə, səhmdarlara ziyan vurulur, Allaha xoş getməyən işlər görülür…”
Bazarda işləyənlər də bu məlumatı təsdiqləyib, hətta 2004-cü ilin ortalarından Rasim Salmanovun gözlənilmədən yer haqlarını 150-350 manat arasında qaldırdığını iddia ediblər. Yəni, vergi əməkdaşları da rəsmi hesabatlarla deyil, bu məlumatlar əsasında hesablamalar apararaq Salmanovun üzərinə büdcəyə 20 milyon ödəmək öhdəliyi qoyub.
Ancaq Salmanovda müxtəlif yollarla bu öhdəlikdən qaçmağa çalışıb. Yuxarıda qaynanasının məktubundan da göründüyü kimi, Rasim Salmanov gəlirlərini vergidən və dövlət büdcəsindən yayındırmaq, külli-miqdarda pulların izini rahatlıqla itirmək üçün əmlaklarını digər qohumlarının adına keçirib. Hətta “Bizim Marketlər” şəbəkəsinin bank hesabını belə başqasının adına açıb. Bu və digər yollarla 100 milyonlarla manat vəsaiti dövlətdən gizlədərək, xaricə çıxarıb.
Əlbəttə ki, bunu yüksək vəzifəli himayədarlarının köməyi olmadan həyata keçirə bilməzdi. Kimdir onun himayədarı?
Yazıda qeyd edilənlərlə bağlı adları çəkilən şəxsləri də dinləməyə, mövqeyini dərc etməyə hazırıq.
Azpolitika.info