MOLLA REJİMİ DAHA BİR RƏZALƏTƏ İMZA ATDI: Tanınmış hüquq müdafiəçisinə 38 il həbs və 148 şallaq cəzası verildi

Baxış sayı:
529

Tehranda tanınmış insan hüquqları müdafiəçisi Nəsrin Sotoudeh 38 il həbsə və 148 şallaq cəzasına məhkum edilib.

Ailəsi bildirib ki, Nəsrin Sotoudeh milli təhlükəsizliklə əlaqədar bir neçə cinayətdə ittham edilsə də o, bunların hamısını rədd edib.

Nəsrin Sotoudeh hicab taxmağı rədd edən qadınları təmsil etməsi ilə tanınıb.

Hüquq müdafiə qrupları mükafat qazanmış hüquq müdafiəçisinə qarşı "gözlənilməz" hökmü sərt tənqid edib.

"Nəsrin Sotoudeh həyatını qadınların hüquqlarının müdafiəsinə və ölüm cəzasına qarşı mübarizəyə həsr edib", - Amnesty İnternational təşkilatından Philip Luther bildirib.

"İran hakimiyyətinin onu insan hüquqları işlərinə görə cəzalandırması olduqca acınacaqlıdır".

İrandakı İnsan Haqları Mərkəzinin məlumatına görə, Nəsrin Sotoudeh-in əri xanımı ilə qısa telefon əlaqəsindən sonra Facebook hesabında onun həbsini təsdiqləyib.

Onun vəkili deyib ki, Nəsrin Sotoudeh dövlətə qarşı məlumat yayılması, İranın ali liderinin təhqir edilməsi və casusluqda ittiham olunub.

Kimdir Nəsrin Sotoudeh?

O, ötən il İranda saxlanan azı 7 hüquq müdafiəçisindən biridir.

Nəsrin SotoudehNəsrin Sotoudeh 2013-cü ildə həbsindən əvvəl həyat yoldaşı ilə birlikdə

İyun ayında həbs olunmazdan əvvəl Nəsrin ictimai yerlərdə hicabsız gəzən bir neçə qadını müdafiə etmişdir.

Hicab taxmamağa görə İranda cəza nəzərdə tutulub.

Nəsrin Sotoudeh haqqında iki məhkəmə prosesində doqquz ittiham səsləndirilib. Məhkəmələrdən bir onun iştirakı olmadan baş tutub və nəticədə ona uzun həbs müddəti və şallaq çəzası hökmü çıxarılıb.

Hüquq müdafiəçisi həm də keçmiş siyasi məhbusdur - o, 2010-2013-cü illər arasında təbliğat yayılması və dövlət təhlükəsizliyinə zərər vurmaq ittihamı ilə həbs olunub.

O, bu ittihamları rədd edib və həbsxanada olduğu müddətdə Avropa Parlamenti ona müxalifət fəallarını təmsil etdiyi üçün "Saxarov-Düşüncə Azadlığı" mükafatını verib.