​ “MKT-Ucar”-ın 300 nəfər səhmdarı filial direktorundan narazılıq edir – PREZİDENTƏ ŞİKAYƏT

Baxış sayı:
778

“MKT-Ucar” filialının səhmdarları tərəfindən Muxalifet.az-ın redaksiyasına şikayət məktubu daxil olub. Saytımız vasitəsilə prezident İlham Əliyevə müraciət edən səhmdarlar filial direktorundan narazılıq edir:
“Bu şikayət ərizəmizdə yazıb bildirik ki, “MKT-Ucar” filialının direktou Rövşən Həsənov vəzifə səlahiyyətlərindən sui-istifadə edib pulumuzu vermir, haqqımızı mənimsəyir.  Nəticədə də 300 nəfərə yaxın səhmdarın hüquqları pozulmuşdur.
Belə ki, Ucar Pambıq Təmizləmə Zavodu 1997-ci il tarixdə Azərbaycan Respublikasında gedən aqrar islahatlar zamanı məcburi olaraq səhmdar cəmiyyətə çevrildi. Həmin zaman bizə işdən azad etmə hədəsi edildi deyə öz “vauçer”lərimizi onlara verdik və səhmdar olduq.
22 ildir ki, “MKT-Ucar” filialı fəaliyyət göstərib, küllü miqdarda qazanc əldə etsə də, bizə divident verilməyib. İndiyə qədər formal olaraq yığıncaqlar keçirilib, cəmiyyətin il ərzində zərərlə işləməsinə dair saxta sənədlər tərtib edib, bizi aldadıb, dividentlərimizi mənimsəyiblər.
Əslində isə “MKT-Ucar” filialı heç vaxt zərərlə işləməyib. Əgər “MKT-Ucar” filialı zərərlə işləsəydi, hər il oraya yeni qiymətli texnikalar, avtomobillər və digər bahalı avadanlıqlar alınmazdı və fəaliyyətini dayandırardı.
İndi isə “MKT-Ucar” filialının direktou Rövşən Həsənov bizim səhmlərimizi ucuz qiymətə alıb, bizi aldatmaq istəyir. Biz buna kütləvi narazılığmzı bildirdikdə “MKT-Ucar” filialı yığıncaq keçirib, bizə son olaraq hər bir səhmə görə 16 manat pul təklif etdilər. Bu isə nəinki Azərbaycanda, hətta dünyada analoqu olmayaq absurd bir qiymətdir ki, “MKT-Ucar” filialının direktoru Rövşən Həsənov bizə təklif etdi.
Biz bu qiymətə razı olmayıb hər bir səhmə görə 22 ilin dividendinin hesablanaraq bizə ödənilməsini təklif etdik. Ancaq “MKT-Ucar” filialının direktoru Rövşən Həsənov bizim təklifimizi qəbul etmədi. Son bir ayda “MKT-Ucar”  filialının direktoru Rövşən Həsənov dəfələrlə bizə 10 gün ərzində məlumat veriləcəyini qeyd etsə də, heç bir tədbir görülmədi. Bu da onun bizə qarşı saxtakarlıq edib, səhmlərimizi ucuz qiymətə ələ keçirmək və dividendlərimizi mənimsəmək niyyətinə düşməsini subut edir.
İndi bir qrup işbazın saxtakarlığı qarşısında çıxılmaz vəziyyətdə qalmışıq. Biz bu müəssisədə zəhmət çəkmişik, can qoymuşuq, sonradan ortaya çıxan Rövşən Həsənov bizim halal qazancmızı mənimsəyib, əməyimizi istismar edir. Buna görə də “MKT-Ucar”  filialının fəaliyyəti obyektiv təftiş edilməli, saxtakarlıqla məşğul olan vəzifəli şəxslər barədə qanunu tədbirlər görülməlidir.
Biz hər birimiz Azərbaycan Respublikasının prezidenti cənab İlham Əliyevin tərəfdarlarıyıq. Buna görə də ümüd yerimiz prezident İlham Əliyevdir. İnanırıq ki, bu şikayət ərizəmiz bizim iştirakmızla yerində araşdırılacaq, saxtakarlıqla dividentlərimizi mənimsəmiş “MKT-Ucar”  filialının direktoru Rövşən Həsənovun barəsində qanuna müvafiq tədbirlər görüləcək və hər bir səhmə görə bizə 22 ilin dividenti hesablanaraq ödənilməsinə köməklik göstəriləcək.
Səhmdar Cəmiyyəti Hqqında Azərbaycan Respublikası qanununun 9-cu maddəsinə əsasən, cəmiyyətin illik mənfəətinin məbləğindən səhmdar malik olduğu səhmin və ya müvəqqəti səhm şəhadətnaməsinin dəyərinə uyğun olaraq dividend alır. Hər bir səhmə düşən dividendin məbləği səhmdarların ümumi yığıncağında müəyyən edilir.
Cəmiyyət ləğv edildiyi halda səhmdar onun əmlakından bu Qanunun 26-cı maddəsinə uyğun olaraq pay alır.
Sizdən çox-çox xahiş edirik bu şikayət ərizəmiz bizim iştirakmızla yerində araşdırılıb saxtakarlıqla dividentlərimizi mənimsəmiş “MKT-Ucar”  filialının   direktoru Rövşən Həsənovun barəsində qanuna müvafiq tədbirlər görülməsinə tapşırıq verəsiniz və hər bir səhmə görə bizə 1500 manat pul ödənilməsinə köməklik göstərəsiniz.
 İmza;  “MKT-Ucar”  filialının səhmdarları:
Kərimov Bəxtiyar Sərxan oğlu  (050)  353-82-26
Fərzəliyeva Hicran Ağasüleyman qızı
Süleymanova Mətanət Qasım qızı
Mahmudov Beydulla Məmmədalı oğlu
Əhmədov Qərib Məmmədalı oğlu
Cəbrayılov Tahir Məhəmməd oğlu
Rəsulov Əlibala Əlisurət oğlu
Əzimov Vidadi Əli oğlu
Məmmədov Rəhman Mustafa oğlu
Quliyev Fariz Arif oğlu
Bəkirov Ehdibar Akif oğlu
Hüseynov Malim Həsi oğlu
Quliyev Bəhrəm Arif oğlu
Purqafari Xuraman Musa qızı
Babayeva Gülnaz Qasım qızı
Quliyev Asif Arif oğlu
Əhmədov Azad Qnyaz qızı  və digərləri”.


Muxalifet.az
Redaksiyadan: Mövzu ilə bağlı qarşı tərəfin mövqeyini dərc etməyə hazırıq.