MDB-də ən yüksək əmək haqqını kimlər alır? - SİYAHI

Baxış sayı:
178

Müstəqil Dövlətlər Birliyinə (MDB) daxil olan ölkələr arasında ən çox əmək haqqı Rusiyada verilir.
Yeniavaz.com-un MDB Dövlətlərarası Statistıka Komitəsinin açıqladığı statistik göstəricilərə istinadən apardığı hesablamalar göstərir ki, 2019-cı ilin yanvar-avqust aylarında Rusiyada orta aylıq əmək haqqı 720 dollara (46 min 112 rubl) bərabər olub. Rusiyadan sonra ikinci sırada Belarus qərarlaşıb. Bu ölkədə orta aylıq əmək haqqı yanvar-sentyabr aylarında 510 dollar (1068,5 rubl) olub.
Azərbaycan bu siyahıda 6-cı sırada yer alıb. Ölkəmizdə orta aylıq əmək haqqının məbləği yanvar-sentybar aylarında 355 dollar (603,5 manat) olub.
MDB-nin digər ölkələrinə gəldikdə isə orta aylıq əmək haqqı Ermənistanda 374 dollara (178 min 633 dram), Qazaxıstanda 470 dollara (181 min 881 tengə), Qırğızıstanda 236 dollara (16 min 451 som), Özbəkistanda 233 dollara (2 milyon  213 min 400 som), Ukraynada 427 dollara (10 min 260 qrivna), Tacikistanda isə 137 dollara (1328 somoni) bərabər olub.

MDB-də orta aylıq əmək haqqı və artım tempi
ÖlkələrƏmək
haqqı
Nominal
artım
Rusiya720 $  (46 112 rubl)7,2 %
Belarus510 $  (1068,5 rubl)14,1 %
Qazaxıstan470 $  (181 881 tengə)14,6 %
Ukrayna427 $  (10 260 qrivna)19,2 %
Ermənistan374 $  (178 633 dram)5,9%
AZƏRBAYCAN355 $  (603,5 manat)11,7 %
Qırğızıstan236 $  (16 451 som)4,6 %
Özbəkistan233 $  (2 213 400 som)31,2 %
Tacikistan137 $ (1328 somoni)10,8 %