​Maradona millinin baş məşqçisini “yıxıb-sürüdü”

Baxış sayı:
583

Argentina millisinin sabiq futbolçusu Dieqo Maradona millinin DÇ-2018-də İslandiya ilə görüşdəki xal itkisinə (1:1) görə baş məşqçi Xorxe Sampaolini günahlandırıb.
Muxalifet.az “Telesur” nəşrinə istinadən xəbər verir ki, o deyib: “Əgər Sampaoli belə davam etsə, Argentinaya qayıda bilməyəcək. Onun oyun üçün planı yox idi. Bu, dəhşətdir. Bilə-bilə ki, İslandiya futbolçularının boyunun hündürlüyü 190 sm.dir, günc zərbələri zamanı biz havadan oynayırdıq. Bu zaman bir dəfə də olsun yerlə ötürmə etmədik. Bu oyun planı yox, biabırçılıqdır”.
Maradona xal itkisinə görə futbolçularda günah görmədiyini söyləyib: “Günah onlarda deyil, məşqçidədir. Oyuna hazırlıq yox səviyyəsində idi. Boş-boş danışmaq dövrü arxada qalıb. Özünlə 25 məşqçi də gətirə bilərsən, amma işləmək lazımdır. Biz gördük ki, İslandiya Argentinadan daha çox əmək sərf etdi. Bu isə məni möhkəm təəssüfləndirdi”.