Azərbaycan Prezidentinin qızı, Heydər Əliyev Fondunun vitse-prezidenti Leyla Əliyeva keçmiş həyat yoldaşı, müğənni və biznesmen Emin Ağalarovu yenidən ailə qurması münasibəti ilə təbrik edib. “Əziz dostlar! Çoxu mənim şeirlərimi anlamır! Onlar mənim qəlbimdən gəlir və konkret olaraq bir insana həsr edilməyib. Mən Eminə və Alyonaya xoşbəxtlik arzulayıram. Onlar çox ləyaqətli və gözəl insanlardır. Allah onların sevgisini həyatlarında hər şeydən uca etsin! Hər kəsə həyatdan zövq almaq və sevmək arzulayıram! Hər şeyə görə çox sağ olun!” Qeyd edək ki, Azərbaycanın xalq artisti Emin Ağalarov iyulun 14-də sevgilisi Alyona Qavrilova ilə evlənib. Xatırladaq ki, Emin Ağalarovla Leyla Əliyevanın 2 oğlu var. Bundan başqa, L.Əliyeva bir qızı qızlığa götürüb və E.Ağalarov onu da qəbul edib.