Kürdəmirdə minik maşını aşıb, sürücü xəsarət alıb - FOTO
8-06-2019 12:27
Baxış sayı:
5053
Kürdəmir rayonunda yol qəzası baş verib. "Report"un Mərkəzi Aran bürosunun məlumatına görə, hadisə Ağsu-Kürdəmir-Bəhrəmtəpə avtomobil yolunun rayonun Sor-Sor kəndi ərazisindən keçən hissəsində qeydə alınıb. Rayonun Muradxan kənd sakini, 1940-cı il təvəllüdlü Qasımov Ağa Ağamirzə oğlu "Hyundai" markalı avtomobil ilə İmişli istiqamətində hərəkətdə olarkən qəfildən idarəetmədən çıxaraq yolun kənarına aşıb. Nəticədə A.Qasımov müxtəlif dərəcəli bədən xəsarətləri ilə Kürdəmir Rayon Mərkəzi Xəstəxanasına yerləşdirilib. Faktla bağlı araşdırma aparılır.