Kürdəmirdə güclü külək rayonun Böyük Kəngərli və Bala Kəngərli kəndlərinə ziyan vurub.
Adı çəkilən kəndlərdə iri gövdəli ağaclar tikililərin üzərinə aşıb, bir neçə evin, fermanın və tövlənin dam örtüyü uçub.
Bundan başqa, əkin sahələrinə, meyvə bağlarına da ziyan dəyib.
Hazırda Kürdəmir Rayon Fövqəladə Hallar Komissiyasının nümayəndələri kəndlərdə təbii fəlakətdən ziyan çəkən insanlarla görüşür, onların müraciətinə baxır, dəymiş zərərin müəyyənləşdirilməsi məqsədilə araşdırma aparır.