Külək bu dəfə sağlam ağacları aşırıb - Açıqlama
6-08-2019 10:31
Baxış sayı:
4567
Xəbər verdiyimiz kimi, dünən Bakı və Abşeron yarımadasında güclü külək baş verib. Bunun nəticəsində şəhərdə fəsadlar yaranıb.
Bakı Şəhər İcra Hakimiyyəti Yaşıllaşdırma Təsərrüfatı Birliyinin Bitkilərin mühafizəsi şöbəsinin rəisi Orxan Məmmədov açıqlamasında bildirib ki, əgər bu gün də küləyin sürəti artarsa, yenə fəsadlar baş verə bilər.
“Bizdə olan məlumata görə güclü külək dünən 10-dan çox ağacı kökündən qoparıb. 40-dan çox ağacın da budaqları sınıb. 8 avtomobil isə ağacların altında qalaraq zərər görüb.
Maraqlısı da odur ki, mən dünən qopan ağaclara nəzər saldım və müşahidə etdim ki, qırılan ağacların əksəriyyəti sağlam ağaclardır”.