Ötən gün İstanbulda baş tutan bələdiyyə seçkilərində bütün səslər sayılıb. Bakupost.az-ın Türkiyə mediasına istinadən xəbərinə görə, qeyri-rəsmi rəqəmlərdə Əkrəm İmamoğlu seçkini böyük üstünlüklə qalib bitirib. Belə ki, Millət İttifaqının namizədi Ə.İmamoğlu qeyri-rəsmi rəqəmlərə görə 4 milyon 741 min 868, Cumhur İttifaqının namizədi Binali Yıldırım isə 3 milyon 935 min 453 səs alıb. İki namizəd arasında fərq 800 min səsdən çox olub. Qeyd edək ki, İmamoğlunun bu qələbəsi Türkiyə seçki tarixinə yazılıb. Belə ki, Əkrəm İmamoğlu Türkiyə Cümhuriyyəti tarixində İstanbul bələdiyyə sədri seçkilərində ən yüksək səs toplayan şəxs olub. Bu günə qədər heç bir namizəd bu qədər yüksək səs faizi ilə qələbə qazanmağa nail olmamışdı. O, 1994-cü ildə İstanbul bələdiyyə sədri seçilən indiki prezident Ərdoğandan ikiqat çox səs toplayıb.