Filippinin paytaxtı Manilada KXDR və Cənubi Koreya XİN rəhbərlərinin görüşü baş tutub.
 
“Gazeta.ru”-nun verdiyi xəbərə görə, görüş Cənub-Şərqi Asiya Ölkələri Assosiasiyasının (ASEAN) sammiti çərçivəsində keçirilib.
 Məlumata əsasən, qısa görüş zamanı Cənubi Koreyanın xarici işlər naziri Kan Qon Kvan həmkarına iki ölkə arasında danışıqlara başlamağa təklif edib. Şimali Koreyanın xarici işlər naziri Li Yon Xo təklifi qeyri-səmimi adlandıraraq rədd edib. Rəsmi Seul görüşlə əlaqədar hələ ki, rəsmi açıqlama, verməyib.