Türkiyənin İstanbul şəhərinin Tuzla bölgəsində fəaliyyət göstərən kimyəvi maddələrin istehsalı zavodunda yanğın çıxıb. Muxalifet.az xəbər verir ki, Orxanlı Dəniz Sənaye Bölgəsi Dəri Yan Sənaye Şəhərində fəaliyyət göstərən Ema Kimya Sistemləri – Huntsmana aid fabrikdə baş verən yanğını söndürmək üçün 48 yanğınsöndürən briqada cəlb olunub. Yanğından sonra ard-arda partlayışlar meydana gəlib. Güclü külək alovu ətraf bölgələrə yayılıb və avtomobillərə zərər vurub. İstanbul Böyükşəhər Bələdiyyəsi Yanğınsöndürmə Dairəsinin rəhbəri Ali Karahan yanğında ölən və ya yaralananların olmadığını bildirib.