Kim Çen In: "Ballistik raket ABŞ-a ciddi xəbərdarlıq üçün sınaqdan keçirilib"
29-07-2017 08:36
ABŞ bizə toxunacağı təqdirdə təhlükə altında olacaq
Şimali Koreya lideri Kim Çen In ötən axşam baş tutmuş ballistik raket sınağını şərh edib. O, bu sınaqları ABŞ üçün "ciddi xəbərdarlıq" adlandırıb.
Bu barədə Koreya Mərkəzi Teleqraf Agentliyi məlumat yayıb.
Şimali Koreya lideri əlavə edib ki, Birləşmiş Ştatlar tərəfindən Pxenyana qarşı yönələn sanksiya və hərbi təhdidlər yalnız ölkənin nüvə gücünün artırılmasına olan meylini gücləndirir.
Onun sözlərinə görə, nüvə proqramı "strateji gücdür", ona görə bu dayandırıla bilməz.
"ABŞ bizim dövlətimizə toxunmağa cürət edərsə, təhlükə altında olacaq", — deyə agentlik Kim Çen Inın sözlərini sitat gətirib.