“Keçmiş ərim qızımla mənə aid pay torpağını, qızıl-ziynət əşyalarımı və mülkləri qaytarmır” - ŞİKAYƏT

Baxış sayı:
4378

Qobustan rayonu, Poladlı kənd sakini Hüseynova Dürdanə Abbas qızı tərəfindən Muxalifet.az-ın redaksiyasına şikayət məktubu daxil olub. Saytımız vasitəsilə Birinci vitse-prezident Mehriban Əliyevaya müraciət edən şikayətçi yazır:
“Mən, Dürdanə Hüseynova 1988-ci ildə Hüseynov Sarvan Sədrəddin oğlu ilə ailə həyatı qurub, 2001-ci ilədək birlikdə yaşamışıq. Yeganə adlı bir qızımız olmuşdur. Xəstəliyimlə əlaqədar biz boşanma qərarı verdik. 2001-ci ildən indiyədək atamgilin evində qızımla yaşamışam. Elə o vaxtdan da 2-ci qrup əlil kimi yeganə övladımın tərbiyəsilə məşğul olmuşam.
Keçmiş ərim Sarvan isə övladı ilə heç vaxt maraqlanmamış, bu müddət ərzində 1 manat da olsun aliment ödəməmiş və ya hər hansı köməklik göstərməmişdir. Əksinə, mənə gəlin olduğum zaman alınan qızıl-zinyət əşyalarını mənə ata yurduna qayıdanda verməmiş, satıb xərcləmişdir. Bundan əlavə isə Qobustan rayonun poladlı kəndində sakinlərə aqrara islahat zamanı düşən pay torpağımızı da qızımla mənə qaytarmaq əvəzinə (cəmi 2 nəfərə düşən torpa payı 2.5 ha-dır) son 17 ildə əkib dövlətdən subsidiyalar alıb xərcləmiş və taxıl əkərək yalnız özünə istifadə etmişdi.
Dəflərlə bizə aid pay torpağını və qızıl-ziynət əşyalarımı istəsəm də qulaqardına vurmuş, bizə aid mülkləri qaytarmaq istəməmişdir. Mən birgə nikah dövründə qazanılan hər hansı əmlakı yox, yalnız mənə və qızıma aid olan əmlakımı geri istəyirəm. Bir xəstə əlil olaraq, böyüyən övladıma hər hansı köməklik göstərə bilmirəm. Aldığım 120 manat əlil təqaüdünü də yalnız dərmanlara və müalicəyə çatdırıram.
Ona görə də Sizlərdən xahiş edirəm ki, ağır iqtisadi və sağlamlıq vəziyyətimi nəzərə alaraq, mənə məxsus əmlaklarımı zorakılıqla özündə saxlayan və qanunsuz istifadə edən Sarvan Hüseynovdan alınaraq geri qaytarılmasına köməkli göstərəsiniz”.

Muxalifet.az
Redaksiyadan: Qarşı tərəfin mövqeyini dərc etməyə hazırıq.