İsrail Suriyaya zərbələri davam etdirəcək

Baxış sayı:
256

İsrailin müdafiə naziri Aviqdor Liberman bəyan edib ki, Rusiyanın Suriya hava məkanının bağlanmasına dair planları rəsmi Təl-Əvivin regiondakı taktikasına təsir göstərməyəcək.
 
Bu barədə nazir “Kan” radiostansiyasına müsahibəsində bildirib.
 
Liberman onu da bəyan edib ki, ölkəsi İranın İsrailə qarşı təcavüzü üçün Suriya ərazisindən istifadəsinə imkan verməyəcək.
 
O həmçinin qeyd edib ki, Rusiya ilə mübahisə etmək fikrindən uzaqdır.
 
Nazir bildirib ki, Rusiyanın İl-20 təyyarəsinin vurulmasına görə məsuliyyət tamamilə Suriya prezidenti Bəşər Əsədin üzərinə düşür.
 
Xatırladaq ki, kəşfiyyatçı İl-20 təyyarəsi sentyabrın 18-ə keçən gecə Aralıq dənizi sahillərində vurulub.