Öldürülən şəxs - Fəvvaza Məhəmməd Cubeyr ar-Raui İŞİD üzvlərinə terror hücumlarının təşkilində kömək edib
 
ABŞ-ın rəhbərlik etdiyi beynəlxalq koalisiya Suriyada İŞİD-in əsas maliyyəçilərindən birinin məhv edildiyini bildirib.
Bu barədə "TASS" agentliyi koalisiya qüvvələrinin qərargahının bəyanatına istinadən xəbər verib.
Öldürülən şəxs Fəvvaza Məhəmməd Cubeyr ar-Rauidir. O, İŞİD üzvlərinə terror hücumlarının təşkilində kömək edib.
Qərargahın bəyanatında bildirilir ki, Suriya əsilli ar-Raui təcrübəli terror maliyyəçisidir. O, terror hücumlarının həyata keçirilməsinə milyonlarla dollar pul köçürüb. Həmin şəxs Suriyanın şərqində, Misirlə sərhəddə yerləşən Əbu-Kamalda bir neçə mübadilə məntəqəsinin sahibidir.
Qeyd olunur ki, o, iyunun 16-da endirilmiş hava zərbəsi nəticəsində məhv edilib.