İŞİD terrorçuları Suriyada Rusiya vertolyotunu vurublar.
Bu haqda Almaniyanın “Bild” nəşrinin müxbiri Born Ştrisel Tvitter səhifəsində bildirib.
Onun sözlərinə görə, hadisə Xüms vilayətinin Şeyx Hilal şəhərinin yaxınlığında baş verib. Ştrisel hadisə yerindən fotonu dərc edib.
Öz növbəsində, Kremlin mətbuat katibi Dmitri Peskov “İnterfaks” agentliyinə informasiyanı şərh etməkdən imtina edib. O, Rusiya Müdafiə Nazirliyinə müraciət etməyi məsləhət görüb.
Müdafiə Nazirliyindən bildiriblər ki, Mi-28 vertolyotu texniki nasazlığa görə məcburi eniş edib və yerdən heç bir atəş açılmayıb.