İŞİD qan tökməyə davam edir - LONDON QƏTLİAMINI ÜZƏRİNƏ GÖTÜRDÜ

Baxış sayı:
550

Londonda iki nəfərin ölümünə səbəb olan terror aktına görə məsuliyyəti İŞİD öz üzərinə götürüb.

APA xəbər verir ki, bu barədə “Reuters” məlumat yayıb.

Qeyd olunur ki, cümə günü London körpüsü yaxınlığında bıçaqlı şəxsin hücumu nəticəsində bir qadın və bir kişi ölüb, daha üç nəfər yaralanıb. Polis şübhəli şəxsi zərərsizləşdirib, hazırda fakt terror aktı kimi araşdırılır.

Polisin açıqlamasına görə, hücum edən şəxs Staffordşir qraflığında yaşayan 28 yaşlı Usman Xan olub. O, bənzər əməlləri ilə polisə çoxdan məlum imiş: 2012-ci ildə terrorçu əməllərinə görə həbs olunub, 2018-ci ildə isə azad edilib.