Suriyada İŞİD tərəfində vuruşan Britaniya vətəndaşı Salli Cons Rakkada ABŞ pilotsuz aparatının hücumu nəticəsində öldürülüb.
Bu barədə “Tayms” informasiya yayıb.
Məlumata görə, son illər ərzində britaniyalı dindarın fəaliyyətinə Birləşmiş Krallığın xarici kəşfiyyat idarələri tərəfindən nəzarət olunub. Hava hücumu Cons Rakkadan qaçmaq istədiyi zaman endirilib. “Ağ dul” ilə birlikdə 12 yaşlı oğlu da öldürülüb.
 “Ağ dul”un həyat hekayəsi ötən il “Əl Həyat” qəzetində nəşr olunub. 4 il öncə Kent qraflığında “Krunç” rep qrupunda çıxış edən 45 yaşlı iki uşaq anası Birminqemdən olan müsəlmana ərə gedib. Salli Cons Suriyaya gəldikdən sonra 12 teraktın təşkilinə və Avropadan İŞİD sıralarına insanların cəlb edilməsinə rəhbərlik edən həyat yoldaşı Cüneyd Hüseynin köməkçisi olub. “Ağ dul” özü ilə birlikdə Suriyaya sonradan islamçı saytlar tərəfindən yayımlanan videoda gənc cəllad rolunu oynayan 12 yaşlı oğlu Co Diksonu da gətirib.
Salli Consun əri 2 il əvvəl ABŞ pilotsuz aparatı vasitəsilə məhv edilib. Salli həyat yodaşına görə qisas alacağına və ilk britaniyalı kamikadze olacağına söz verib. Daha sonra isə o, Qərbdə bir sıra teraktlar planlaşdıran diversant qrupuna rəhbərlik etdiyini açıqlayıb.