Bu yaxınlarda İrəvanda Ermənistan, Rusiya, İran və Gürcüstandan olan 45 mütəxəssisin iştirakı ilə “Qafqaz-Xəzər bölgəsinin yerli xalqları elmi həqiqətlər və saxtalaşdırmalar işığında” mövzusunda geniş beynəlxalq konfrans keçirildi. Muxalifet.az bu barədə “yerkramas.org” erməni saytına istiinadla xəbər verir. "Qafqaz-Xəzər regionunda tarixi saxtalaşdıran və bunu öz daxili və xarici siyasətinin təməlində qoyan dövlətlər var. Üstəlik, onlar təkcə öz tarixlərini deyil, digər bölgə xalqlarının tarixlərini də qarışdırır və təhrif edirlər" Şərqşünaslıq İnstitutunun direktoru Ruben Safrastyan dedi və unikal tədqiqatların nəticələrini təqdim etmək, müzakirə etmək baxımından konfransın əhəmiyyətini qeyd etdi. "Əvvəla, bu sənədlər bölgədəki yerli xalqlarının tarixi, mədəniyyəti və digər xüsusiyyətləri ilə əlaqəli, xüsusən də yaşadıqları ərazidə bu cür məlumat əldə etməkdən məhrum olan xalqlara aiddir. Söhbət Azərbaycanla əlaqədardır" Safrastyan dedi. İDU-nin Şərqşünaslıq fakültəsinin dekanı Ruben Melkonyanın sözlərinə görə, konfrans çərçivəsində bəzi ölkələrin və qondarma elmi dairələrin həyata keçirdikləri saxtakarlıqlarla yanaşı, obyektiv həqiqətləri də müəyyənləşdirmək üçün çox iş görülmüşdür. İranlı ekspert Salar Seyfoddini, Qarabağ ətrafındakı son hadisələr və İranın bölgədəki maraqları mövzusuna diqqət çəkdi. "İran, Rusiya və Türkiyə Cənubi Qafqaz regionunda öz siyasətlərini həyata keçirirlər və öz yanaşmalarına sahibdirlər" S.Seyfoddini QA müxbiri ilə eksklüziv söhbətində dedi: "Bundan əlavə, Rusiya ilə Gürcüstan son dərəcə gərgin münasibətlərə malikdirlər. Türkiyə ilə Ermənistanın diplomatik əlaqələri yoxdur. İranın hər üç dövlətlə münasibətləri və diplomatik baxımdan Cənubi Qafqazda yaxşı strateji imkanlara malikdir.Qarabağ məsələsinin həllinə gəlincə, İran, əlbəttə ki, münaqişənin sülh yolu ilə həllini istəyir. Praktik nəticələr olmasa və sabitlik olmazsa, İran çox güman ki, bölgədəki mövcud status-kvonu saxlamağı üstün tutur.Bizim üçün digər vacib amil güc tarazlığını qorumaqdır. Mən İranın ekspert dairələrində Azərbaycana olan inamsızlığı qeyd etmək istərdim. Ekspertlərin əksəriyyəti azərbaycanlıların səmiiyyətinə və güclü ikitərəfli münasibətlər barədə Azərbaycanın əmin etdiyi etimada inanmır. Əslində, İranın bütün qonşuları arasında heç vaxt problem görmədiyi yeganə ölkədir Ermənistandır... " Seyfoddinin sözlərinə görə, son vaxtlar ətraf mühitlə, xüsusən də bir sıra İran KİV-nin Ermənistandan qaynaqlanan problem kimi göstərdiyi Araz çayının çirklənməsi ilə bağlı kiçik bir problem ortaya çıxdı. "Bunun həqiqətə nə qədər uyğun olduğunu deyə bilmərəm, amma doğrudursa, ümid etmək istərdim ki, Ermənistan məsələnin həlli üçün mümkün olan hər şeyi edəcək ki, ölkələrimiz arasında münasibətlərdə belə kiçik mübahisələr olmasın" deyə ekspert qeyd etdi. – Qarabağ ətrafında söhbətə qayıdaraq deyə bilərəm ki, İran hazırkı vəziyyətlə bağlı narahatlıq görmür, çünki bölgə azərbaycanlıların əlində olsaydı, bu gün orada İsrail və NATO ağalıq edərdi. Bu gün isə belə bir problem yoxdur, çünki bu ərazilər erməni tərəfin nəzarətindədir. Ermənistan və Azərbaycan tərəflərinin tarixi, mədəni və memari dəyərlərə yanaşma fərqini də qeyd etmək istərdim. Əgər Azərbaycan bu məsələdə mənfi rol oynayırsa, əksinə Ermənistanın yaradıcılıq nümunələrini görürük. Dini tolerantlığın ən bariz nümunələrindən biri Şuşidə məscidin bərpası və açılmasıdır. Fikrimizcə, bu, gözəl addımdır, çünki yuxarıda adı çəkilən məscid tarixi və mədəni dəyəri baxımından İran üçün çox vacibdir". Muxalifet.az