Səudiyyə Ərəbistanının rəhbərlik etdiyi koalisiya güclərinin Yəmənə hücum etməsindən sonra İran Aden körfəzinə iki döyüş gəmisi göndərdi.
Muxalifət.az publika.az-a istinadən xəbər verir ki, İran Dəniz Qüvvələrinin helikopter daşıma gücünə sahib olan Hark və Subulan adlı gəmilərindən ibarət 54-cü donanması Aden körfəzinə göndərilib.
Aden körfəzi Ərəb yarımadasının cənub sahilində, Hind okeanını Qızıl dənizə bağlayan strateji ərazidə yerləşir. Koalisiya güclərinin Yəmənə hücumu bu körfəzi əhəmiyyətini ikiqat artırır.
Ekspertlərə görə, İranın döyüş gəmilərini Adenə göndərməsi bölgədə Səudiyyə ilə dəniz müharibəsinə səbəb ola bilər.