İran prezidentinin hüquq məsələləri üzrə məsul müavini Laya Cüneydi paytaxt Tehran şəhərində Nazirlər Kabinetinin iclasından sonra mətbuat nümayəndələrinin suallarına cavab verərkən İran banklarında çirkli pulların yuyulduğunu və bunun üçün tədbirlər görülməsinin lazım olduğunu söyləyib: “Cinayət təşkilatı və ya narkotik qaçaqmalçılığından əldə edilən çirkli pullar şəffaflıq olmadığı üçün bank sisteminə daxil olur. Bu pulların haradan gəlib haraya getdiyi də bəlli deyil”.