​İcra başçısının polis rəisi olan oğlu yeni vəzifə aldı

Bakıda daha bir polis bölməsinin rəisi dəyişdirilib.
Daxili işlər naziri, general-polkovnik Ramil Usubovun müvafiq əmri ilə Qaradağ Rayon Polis İdarəsi 10-cu polis bölməsinin rəisi Xəlil Səfərov tutduğu vəzifədən azad edilərək Xətai Rayon Polis İdarəsinin 34-cü polis bölməsinin rəisi təyin olunub.
Qeyd edək ki, Xəlil Səfərov Şuşa Rayon İcra Hakimiyyətinin başçısı, "Dağlıq Qarabağın Azərbaycanlı İcması" İctimai Birliyinin sədri Bayram Səfərovun oğludur.
Xatırladaq ki, bundan əvvəl R.Usubov Sabunçu RPİ 14-cü polis bölməsinin rəisi Zaur Bədəlovu tutduğu vəzifədən azad edərək Səbayel RPİ 41-ci polis bölməsinə, Xətai RPİ 34-cü polis bölməsinin rəisi Zaur Məmmədovu isə tutduğu vəzifədən azad edərək 14-cü polis bölməsinin rəisi vəzifəsinə təyin edib.