Qətərdə 1996-ci ildə uğursuz dövlət çevrilişinə cəhdlə bağlı yeni məlumatlar və sənədlər dərc edilib.
Muxalifət.az publika.az-a istinadən xəbər verir ki, sənədlərə görə, dövrün Bəhreyn kralı Hamed ibn İsa əl-Xəlifə Qətərin paytaxtı Dohada partlayışların törədilməsi barədə təlimat vermişdi.
Məlumata görə, Bəhreyn kralının partlayışların törədilməsi üçün 100 min Bəhreyn dinarı mükafat ayırmışdı. Dövrün kəşfiyyat hesabatlarına görə, Dohada çoxlu sayda minalanmış avtomobil tapılmışdı.
Dövlət çevrilişinə cəhddə iştirak edən hərbçilərlə bağlı yayımlanan sənədlərə görə, qiyamçıların komandanlığında yer alan hərbçilərə Bəhreyn və Səudiyyə Ərəbistanı pasportları verilmişdi.