Gürcüstan prezidenti Salome Zurabişvili öz maaşını xüsusi fonda köçürəcək.
Oxu.Az Gürcüstan KİV-ə istinadən xəbər verir ki, Zurabişvili bu haqda mətbuat konfransında açıqlama verib.
“İndiki vəziyyətdə prezident fondu ləğv olunduğundan, xeyriyyəçiliyə və novasiyalara vasitəçilik etmək üçün prezidentin bu kimi tədbirlərə hamilik etməsi vacibdir. Ona görə də qərara aldım ki, ictimai şəxslərin köməkliyi ilə özəl əsaslı fondun yaradılması üçün müvafiq formanı axtarıb-tapım.
İlk növbədə öz maaşımı belə bir fonda köçürəcəm. Başqalarının da məndən nümunə götürəcəyinə ümid edirəm. Mən artıq Fransadan təqaüd alıram, ona görə də prezidentlik məvacibimi bu işlərə ayıra bilərəm”, - deyə S.Zurabişvili bildirib.