Xarici İşlər Nazirliyinin (XİN) Dövlət Protokolu İdarəsinin rəisi, səfir Pərvin Mirzəzadə Gürcüstanın yeni təyin edilmiş baş konsulu Nikoloz İaşvilini qəbul edib.

XİN-dən APA-ya verilən məlumata görə, görüş zamanı N. İaşvilinin baş konsul təyinatı ilə əlaqədar patent sənədi P. Mirzəzadəyə təqdim olunub.

Görüşdə Azərbaycanla Gürcüstan arasındakı strateji münasibətlərinin cari vəziyyəti barədə fikir mübadiləsi aparılıb.