Ermənistan Futbol Federasiyasının (EFF) prezidenti Ruben Ayrapetyan ölkədən qaçıb. Apasport.az saytı Rusiya mətbuatına istinadən xəbər verir ki, Qarabağ müharibəsinin iştirakçısı Smbat Akopyanın döyülməsi ilə bağlı İstintaq Komitəsi tərəfindən dindirildikdən sonra Ayrapetyan Ermənistanı tərk edib.
EFF rəhbəri müalicəsi ilə əlaqədar noyabrın ikinci yarısında ölkə xaricinə çıxmağı planlaşdırsa da, bu hadisə ilə bağlı dünən gecə Ermənistandan gedib. Məlumata görə, Ayrapetyan həyat yoldaşı və atası ilə birlikdə ölkəni tərk edib.
Qeyd edək ki, sentyabrın 21-də küçədə vəhşicəsinə döyülən Smbat Akopyan açıqlamasında Ruben Ayrapetyanı günahlandırmışdı.