“FƏRHAD DEYİR Kİ, MƏNİ POLİSLƏR SAXLAMAYACAQ, ÇÜNKİ HAQLARINI VERİRƏM" - Bakı sakini keçmiş ərinin 9 ildir aliment borcunu ödəməməsindən şikayətçidir

Baxış sayı:
1434

Bakı şəhəri, Bül-Bülə qəsəbəsi, Deputat küçəsi-17, ev 22-də kirayədə yaşayan Məhərrəmova Aliyə İsmayıl qızı tərəfindən Muxalifet.az-ın redaksiyasına şikayət məktubu daxil olub. Birinci vitse-prezident Mehriban Əliyevaya müraciət edən şikayətçi yazır:
“Hörmətli Mehriban Xanım!
Şikayət ərizəmdə yazıb Sizə bildirirəm ki, sabiq həyat yoldaşım Şirvan şəhər sakini Abbasov Fərhad İsmayıl oğlundan 1-uşağın saxlanması üçün hər ay 100 (yüz) manat alimentin alınıb mənə ödənilməsi barədə Səbail rayon məhkəməsi qətnamə çıxarmışdır. Nigahımız pozulduqdan sonra uşağı tək saxlamaq məcburiyyətində qalmışam. Bu səbəbdən heç bir yerdə işləmək imkanım yoxdur. Yaşadığım evdə kirayyə haqqını ödəməkdə çətinlik çəkirəm, özümə məxsus yaşayış yerim və torpaq sahəm də yoxdur. Uşağı saxlamaqda çox çətinliklər çəkirəm pensiya və sosial yardım da almıram. Uşağın geyinməsi, qidalanması, sağlam böyüməsi, təhsil alması tək mənim üzərimə düşür, maddi cəhəddən çox korluq çəkirəm.
Buna baxmayaraq, borclu Abbasov Fərhad İsmayıl oğlu məhkəmənin qətnaməsini qərəzli olaraq 2012-ci ildən bu günə gədər icra etməyib. Yəni 9-ildə 1 manat da olsun aliment borcundan ödəməmişdir. Onun barəsində Şirvan İcra Şöbəsinin qərarına əsasən axtarış işi açılmış, respublikadan çıxışına məhdudiyyət qoyulmuşdur. Axtarış işi ilə bağlı şəxsən mən özüm onun yerini müəyyən edərək Şirvan polis şöbəsinə məlumat verdikdən sonra, Bakı şəhərində tutulmuş və məhkəməyə aparılmışdır.
2018-ci ilin əvvəllərində Fərhad Abbasov 15 sutka həbs edilmişdir. Buna baxmayaraq, yenə borcunu ödəməmişdir. Yenidən onun barəsində axtarış işi açılmışdır. Hal-hazırda Fərhadın 8700 manat aliment borcu vardır. Onun əməlində CM-nın 306.1-maddəsinin tərkibi olduğundan, Şirvan şəhərindən çıxıb Bakı şəhərinə gəlmişdir. Hal-hazırda Bakı şəhərindədir və mənimlə telefon əlaqəsi saxlayır, amma yerini bilmirəm.
Hörmətli Mehriban xanım!
Onun tapılmasında həm Sizə, həm də DİN-nə ərizə verdikdən sonra DİN-nin Baş Çinayət Axtarış İdarəsi Şirvan şəhər polis şöbəsinə 10.09.2019-cu il tarixdə Fərhadın tutulması barədə rəsmi məktub göndərsə də, bu günə gədər Fərhad saxlanılmamışdır. Şirvan polis şöbəsi bu işlə bağlı bir dəfə də olsun, mənimlə heç bir əlaqə saxlamamışdır. Haz-hazırda mənim işim Şirvan polis şöbəsində İçtimai Təhlükəsizlik Bölməsində, cənab Rəhim Məmmədovun icraatındadır. Lakin mənim işimə səhlənkar yanaşırlar.
Mən Azərbaycan Polisinə inanıram ki, əgər Şirvan polis şöbəsi Fərhadın tutulmasında maraqlı olsa, onun yaxın qohumları və valideyinləri ilə təmasda olsa, qısa müddət ərzində Fərhadı saxlayıb məhkəməyə təhvil verərlər. Hətta Fərhad Abbasovun əlaqə telefon nömrəsini də polis şöbəsinə təhfil versəm də, 3 ay ərzində zəruri tədbir görülməmişdir.
Şirvan şəhər polis şöbəsinin hərəkətsizliyindən çox narazıyam. Fərhad Abbasov mənə bildirir ki, məni polislər saxlamayacaq, çünki mən onların haqqını verirəm. Ona görə də Fərhad Abbasov haqqında heç bir zəruri tədbirlər görülmür.
“Uşaq hüquqları haqqında Azərbaycan Respublikası qanunun 19-cu maddəsinə uyğun olaraq, valideyinlər uşağın tərbiyyəsində bərabər hüquq və vəzifələri vardır. Onlar uşağın sağlam şəraitdə böyüməsi, ümumi təhsil və milli dəyərlər əsasında tərbiyyə etməli və müstəqil həyata hazırlamalıdılar. Uşağın qabiliyyətinin inkişaf etdirilməsi, onun maddi və mənəvi təlabatının təmin edilməsi, hüquq və mənafeylərinin müdafiyyəsi valideyinlrin əsas vəzifəsidir.
Azərbaycan Respublikası konustitusiyasının 17-ci maddəsinin 2-ci hissəsinə əsasən uşaqların qayğısına qalmaq, onları tərbiyyə etmək valideyinlərin borcudur. Bu borcun yerinə yetirilməsinə dövlət nəzarət etdir”.
Yuxarıda qeyd etdiklərimə əsasən inanıram ki, hörmətli Mehriban xanım və hörmətli DİN rəhbəri cənab Vilayət Eyvazov bir Azərbaycan qadını, Azərbaycan vətəndaşı olmağımı nəzərə alıb, borclu Abbasov Fərhad İsmayıl oğlunun saxlanılıb, Şirvan İcra və Provasiya şöbəsinə təhfil verilməsi üçün Şirvan polis şöbəsinə göstəriş verəcəkdir.
Əvvəlcədən hər birinizə minnətdaram”.

Muxalifet.az
Redaksiydan: Qarşı tərəfin mövqeyini dərc etməyə hazırıq.