Rusiyanın Krımı ilhaq etməsindən sonra ilk dəfə Finlandiya Moskva ilə iqtisadi-ticarət münasibətlərini bərpa edib.
Virtualaz.org “The Financial Times” nəşrinə istinadən xəbər verir ki, bunu Finlandiyanın ticarət naziri Kay Mikkanen deyib.
Mikkanen xatırladıb ki, onun ölkəsinin Rusiya ilə geniş sərhədi var və “bir çox məsələlər üzrə zaman-zaman əməkdaşlıq etmək lazımdır”.
Nazir qeyd edib ki. beynəlxalq hüququn pozulması məsələsində Qərbin yekdil fikrinin qorunub saxlanması vacibdir, lakin hesab edir ki, bu Rusiya ilə iqtisadi əlaqələrə ziddiyyət təşkil etmir.
Bundan öncə Norveç də Rusiya ilə əməkdaşlığı bərpa etmək niyyətində olduğunu bildirmişdi.