Ədliyyə polkovniki Azərbaycandan necə qaçıb? - Açıqlama

Baxış sayı:
259

Məhkəmə qarşısına çıxarılan ədliyyə polkovnik-leytenantı, keçmiş vəkil Vüqar Poladovun gizli əməlləri üzə çıxıb. 
Muxalifet.az xəbər verir ki, Criminal.az saytının yazdığına görə,  Cinayət Məcəlləsinin 312.2-ci (vəzifəli şəxs tərəfindən bilə-bilə qanunsuz hərəkətlər (hərəkətsizlik) etməyə görə ona rüşvət vermə və ya təkrar rüşvət vermə) maddəsi ilə ittiham olunan V. Poladov Ədliyyə Nazirliyinin İcra Baş baş məsləhətçisi olub. O, Azərbaycan Xalq Cəbhəsi Partiyasının qərargahının dağıdılmasına rəhbərliyi şəxsən özü edib.
Bundan başqa Gürcütsana gedərək mühacir kimi qaçqın kampında qalıb. Polkovnik Norveçə gedərək siyasi sığınacaq almaq istəyib, hətta bunun üçün gürcüstanın daxili işlər naziri ilə danışıqlar da aparıb.
V.Poladovun əməsi Namiq Poladov əvvəllər Müdafiə Nazirliyinin Büdcəyə Nəzarət və Maliyyə İdarəsinin rəisi olub. General-mayor Namiq Poladov hazırda həmin nazirliyin İnspeksiya İdarəsinin rəisidir. 
V. Poladov sayta açıqlamasında maraqlı etiraflar edib: 
"Qənimət Zahidi və Eynulla Fətullayevi də mən tutmuşam. Onların qoluna qandalı da mən vurmuşam. Qənimət də günahımdan keçib. Bunu sizə Əli Kərimli deyə bilər yalnız. Bu incəlikləri o bilir. Qənimətin qoluna qandalı Yasamal rayon Məhkəməsində vurmuşam. Nazir müavini dedi qandalla, mən də etdim. Qənimət artıq məni bağışlayıb".
Ədliyyə polkovniki AXCP-nin ofisinin dağıtmasını belə təsvir edir: "Həm keçmiş Azadlıq qəzetinin binası, həm də partlayan ofis, hamısı mənim törətdiyim əməllərdir. Mən danışmırdım edirdim. Ofisdən başqa Əli Kərimlinin Həsən Əliyev küçəsində yerləşən obyekt kimi istifadə olunan qarajlarını dağıtmışam.
Mən 2010-cu ildə müxalifətin düşməni elan olundum və onlar qərara gəldilər ki, məni nə vaxtsa məhv etsinlər”. 
V.Poladov Gürcüstanda kampda olmağının səbəbini də açıqlayıb: "Mən Avropada yaşamaq istəyirdim. İstədim daimi yaşayış hüququ alım. Keçmiş SSR-dən yalnız 2 dövlət Beynəlxalq Qorunma Haqqında Konvensiyaya qoşulub. 
Getdim ora Humanitar status aldım. O statusu 0,1 % yəni 1.000 nəfərdən biriniə verirlər. Onu da mənə kömək etdilər. Gürcüstanın daxili işlər naziri ilə şəxsi dostluğum var. Qeorqiy Qaxariya ilə. Çoxdan tanıyırıq bir birimizi. Məni qoymurdu Azərbaycana qayıtmağa. Məsə səhv etdim. Həmin statusla mən getdim 4 ay Norveçin Stafanqer şəhərində yaşadım. Amma bunları heç kim bilmir. Mənim atam, anam və qardaşım. Bir də Gürcüstanın daxili işlər nazirliyi”.
V. Poladov bir meddət Avropada qaldıqdan sonra Azərbaycana qayıdıb.
Xatırladaq ki, V.Poladovla birlikdə Misir Əmirov da təqsirləndirilən şəxs qismində istintaqa cəlb olunub. Onlar barəsində cinayət işinin istintaqı başa çatdırılaraq baxılması üçün Bakı Ağır Cinayətlər Məhkəməsinə göndərilib. Cinayət işi hakim Samir Əliyevin icraatına verilib. 
V.Poladov uzun müddət İctimai Televiziyada "İcra məmuru" rublikasının daimi müsahibi olub və ölkədə məhkəmə qərarlarının icrası ilə bağlı hesabatlar verib.
Sonradan həmin sistemdən uzaqlaşıb və vəkil kimi fəaliyyətə başlayıb. 12 saylı vəkil bürosunun vəkili olub. Həmin büronun rəhbəri ədliyyə naziri Fikrət Məmmədovun oğlu Fariz Məmmədovdur.
V.Poladov Vəkillər Kollegiyasının mərhum sədri Azər Tağıyevin qızı ilə nişanlı olub. Sonradan evlilik baş tutmayıb. Hazırda isə tanınmış məhkəmə hakimi ilə sevgi münasibəti var.
V.Poladov dövlət xadimi, uzun illər Azərbaycan SSR kənd təsərrüfatı naziri olmuş Möhsün Poladovun nəvəsidir.